Կրոտոն (Codiaeum variegatum)
Կրոտոնը (լատ. Codiaeum variegatum) արևադարձային բույս է՝ պատկանող Եւֆորբիա (Euphorbiaceae) ընտանիքին։ Բնական պայմաններում այն աճում է որպես թուփ կամ փոքր ծառ՝ բարձրությամբ մինչև 2–3 մետր իսկ տանը սովորաբար հասնում է մինչև 1–2 մ բարձրության։ Այն գեղեցիկ ներսի բույս է, հայտնի է իր վառ գունավոր և տարբեր ձևերի տերևներով՝ դեղին, կանաչ, կարմիր, նարնջագույն և նույնիսկ մանուշակագույն երանգներով։ Տերևները կարող են լինել նեղ, լայն, ոլորված կամ բեկորաձև։
Բնական միջավայր և ծագում
- Ծագում ունի Հարավարևելյան Ասիայից և Խաղաղ օվկիանոսի կղզիներից (հատկապես Ինդոնեզիա, Մալայզիա, Նոր Գվինեա)։
- Տաք և խոնավ կլիման է նախընտրում։
Լույս
- Սիրում է լավ լուսավորություն, բայց ոչ ուղղակի արևի ճառագայթներ։
- Եթե լույսը քիչ է, տերևների գույները մթնում են և դառնում ավելի միագույն։
Ջրում
- Ամռանը՝ հաճախակի ջրում, հողի վերին շերտը չորանալուց հետո։
- Ձմռանը՝ ջրումը պակասեցնել։
- Անհրաժեշտ է նաև պարբերաբար ցողել տերևները ջրով, քանի որ բույսը սիրում է խոնավություն։
Ջերմաստիճան
- Լավ է զգում +20…+26 °C ջերմաստիճանի պայմաններում։
- Չի սիրում սառը հող կամ օդի հոսանքներ։
- +15 °C-ից ցածր ջերմաստիճանը կարող է վնասել բույսին։
Հող և փոխպատվաստում
- Հողը պետք է լինի թեթև և օդաթափանց՝ տորֆ, տերևահող և ավազ խառնուրդով։
- Երիտասարդ բույսերը կարելի է փոխպատվաստել ամեն տարի՝ գարնանը։
Ծաղկում
- Տանը հազվադեպ է ծաղկում։
- Ծաղիկները փոքր և աննկատ են՝ համեմատած գեղեցիկ տերևների հետ։
Խնամքի խորհուրդներ
Մի տեղափոխեք բույսը հաճախ տեղից տեղ դա կարող է առաջացնել տերևաթափություն։ Եթե տերևները չորանում կամ թափվում են, ստուգեք՝ լույսի պակաս կա՞, չոր օդ է՞, կամ ցուրտ հողի ազդեցություն։ Կրոտոնը պահանջկոտ է, բայց ճիշտ խնամքի դեպքում դառնում է շատ գունեղ և գեղեցիկ տան զարդ։ Տանը սովորաբար աճեցնում են հիբրիդային ձևեր, որոնք ավելի հարմար են սենյակային պայմաններին։
